Каля 90 чалавек прынясуць прысягу аб захаванні таямніцы канклава
11 сакавіка прысягу
аб захаванні ў таямніцы інфармацыі, звязанай з абраннем Папы, прынясуць святары, а
таксама персанал, які будзе дапамагаць кардыналам падчас канклаву. Цырымонія адбудзецца
ў капліцы св. Паўла ў Апостальскім палацы – адкуль 12 сакавіка пачнецца працэсія кардыналаў
да Сікстынскай капэлы. Паводле кіраўніка Залы Друку кс. Ламбардзі, у прысутнасці кардынала
камерленга, прысягу прынясуць каля 90 чалавек. Сярод іх сакратар Калегіі Кардыналаў,
цырымонімайстар і яго бліжэйшыя супрацоўнікі, законнікі і законніцы, што працуюць
у папскай сакрыстыі, якая стане сакрыстыяй канклава, законнікі адказныя за споведзь,
медыцынскі персанал, супрацоўнікі, якія будуць працаваць на кухне і займацца прыбіраннем
пакояў у Доме св. Марты, тэхнічны персанал, вадзіцелі аўтобусаў, на якіх кардыналы
будуць перамяшчацца паміж Домам св. Марты і Апостальскім палацам, швейцарскія гвардзейцы
і ватыканскія жандармы.