Адзін з кардыналаў расказаў, што яны абмяркоўваюць у Ватыкане
Арцыбіскуп Нью-Ёрка,
кардынал Цімаці Долан, напісаў да вернікаў сваёй архідыяцэзіі ліст, у якім падзяліўся
асабістымі ўражаннямі аб Рыме і расказаў, чым замаюцца кардыналы падчас агульных кангрэгацый.
Ліст, апублікаваны ў блогу арцыбіскупа Нью-Ёрка, напісаны ў простай форме з уласцівым
іерарху пачуццём гумару. Пурпурат прызнаўся, што вельмі сумуе па сваіх верніках і
паскардзіўся, што яму не хапае традыцыйнай ірландскай ежы, хоць ён і любіць італьянскую
кухню. Іерарх падзякаваў вернікам за малітву, і заклікаў працягваць падтрымліваць
пурпутараў духоўна. Кардынал Долан падзяліўся падрабязнасцямі свайго прабывання ў
Ватыкане. У лісце ён распавёў, што кожны дзень удзельнікаў агульных кангрэгацый напоўнены
малітвай. Раніцай яны адпраўляюць св. Імшу і моляцца асабіста. Затым, перад пачаткам
пасяджэнняў, супольна прамаўляюць “Veni Sancte Spiritus”, просячы прысутнасці Святога
Духа, а ў перапынках цэлебруюць Літургію гадзін. Кардынал падзяліўся, што ў 12.00
моліцца “Анёл Панскі” і заўсёды спыняецца на некаторы час у капліцы, каб у цішыні
паразважаць перад Найсвяцейшым Сакрамэнтам. “Вы будзеце здзіўлены, але мы праводзім
шмат часу, абмяркоўваючы паміж сабой такія тэмы як: малітва, навучанне веры, цэлебрарацыя
сямі сакрамэнтаў. Абмяркоўваем, як прымаць вернікаў, што пакінулі Касцёл, як служыць
хворым і бедным”, - напісаў іерарх. Ён прызнаўся, што паміж сабой кардыналы абмяркоўваюць
праблемы, звязныя з утрыманнем каталіцкіх школ, бальніц, дабрачынных арганізацый;
задаюць сабе пытанні, як лепш натхняць святароў, біскупаў і кансэкраваных асоб, бараніць
годнасць сужэнства і чалавечага жыцця, якому пагражаюць войны, беднасць і аборты.
Кардынал
заўважыў, што большасць людзей думае, нібыта пурпураты абмяркоўваюць выключна карупцыю
ў Ватыкане, сексуальныя злачынствы і грашовыя справы. “Гэтыя пытанні ўздымаюцца? Так!
Ці дамінуюць? Не”, - напісаў ён. Нарэшце, іерарх адзначыў, што, сярод імёнаў, якія
часцей за ўсё называюцца ў дыскусіях кардыналаў “самае папулярнае імя, гэта святое
імя Езуса!”.