Յիսուսի Պատանքը Ուղիղ Եթերով Կը Ցուցադրուի Մարտ 30-ին՝ Ճրագալոյցի Օրը :
Վատիկան - Բենեդիկտոս ԺԶ. վաստակաւոր սրբազան քահանայապետը, որպէս իր վերջին պարգեւը
աշխարհին, հրաման տուած է իր հրաժարումէն առաջ, ինչպէս որ հաղորդեցին վատիկանեան աղբիւրներ,
լրատուամիջոցներէն ուղիղ եթերով ցուցադրելու՝ Իտալիոյ Թորինօ քաղաքին մէջ պահուած Յիսուսի
Պատանքը, Քրիստոսի Յարութեան տօնի նախօրեակին, աւագ շաբաթ օր՝ 30 մարտ 2013-ի յետմիջօրէին
հանդիսաւոր արարողութեամբ։ Յիշենք, որ Բենեդիկտոս ԺԶ. վաստակաւոր սրբազան քահանայապետը
2010-ին արտօնած էր հանրութեան, տեսնելու՝ դարեր շարունակ պահուած Յիսուսի պատանքը, որուն
մէկ կրկնօրինակը հասաւ Լիբանան եւ զետեղուեցաւ Պէյրութի հայ կաթողիկէ «Սուրբ Գրիգոր Լուսաւորիչ-
Սուրբ Եղիա» աթոռանիստ եկեղեցւոյ մէջ։ Ըստ նոյն աղբիւրներուն, պատանքի յաջորդ ցուցադրութիւնը
հանրութեան, նախատեսուած է 2025 թուականէն ետք։