Кс. Фэдэрыка Ламбардзі,
кіраўнік Залы Друку Апостальскай Сталіцы, нагадаў, што перыяд “sede vacante” рэгулуюць
тры асобных дакументы, цалкам адрозныя ад сябе: Апостальская канстытуцыя “Universi
Dominici Gregis”, апошняе “Motu proprio” Бэнэдыкта ХVI і Кодэкс кананічнага права.
Святар адзначыў, што Кодэкс кананічнага права гэта ўніверсальны закон, які абмяркоўвае
ўсе найбольш фундаментальныя аспекты жыцця Касцёла і прадбачвае адмаўленне Пантыфіка
ад Пасаду св. Пятра.
Апостальская канстытуцыя “Universi Dominici Gregis”,
гэта адмысловы прававы акт, які тычыцца “sede vacante”, канклаву і абрання новага
Вярхоўнага Пантыфіка”, - нагадаў кс. Ламбардзі і дадаў, што падобныя законы, улічваючы
спецыфічную накіраванасць, прымяняюцца з асаблівай дакладнасцю.
Гаворачы аб
апошнім “Motu proprio” Бэнэдыкта ХVI прадстаўнік Апостальскай Сталіцы падкрэсліў,
што гэтым дакументам Святы Айцец жадаў удасканаліць некаторыя аспекты Апостальскай
канстытуцыі “Universi Dominici Gregis”.“Гэта закон, які канкрэтна і дэталёва закранае
некаторыя аспекты, якія ўзніклі з досведу апошніх “sede vacante” і канклаву”, - удакладніў
ён.