5 сакавіка, у 13.00
Сікстынская капэла была зачынена для наведвальнікаў у сувязі з пачаткам падрыхтоўкі
гэтай святыні да правядзення канклава. Капэла, стане сведкай абрання Пантыфіка ўжо
25 раз. Для таго, каб прывесці яе ў адпаведны для канклава стан задзейнічана група
з 40 спецыялістаў на чале з інжэнерам Паола Сагрэцці, ватыканскім фларыстам, між іншым
адказным за лагістычную падрыхтоўку папскіх аўдыенцыі і цырымоній. Сікстынскай капэла
з’яўляецца афіцыйным месцам правядзення канклаваў з 1996 г. Гэты статус ёй надаў папа
Ян Павел ІІ сваёй Апостальскай канстытуцыяй “Universo Dominici gregis”. Спецыяльна
да гэтай падзеі ў капэле будуць устаноўлены 115 крэслаў, на якіх будуць растаўлены
таблічкі з імёнамі кожнага кардынала выбаршчыка. Акрамя таго, тут будуць устаноўлены
дванаццаць сталоў: шэсць з правага і шэсць з левага боку. Перад алтаром, пад знакамітай
фрэскай Мікеланджэла будзе ўстаноўлены стол на якім размесціцца урна для галасавання,
а таксама драўляная кафедра з Евангеллем, на якім кардыналы прынясуць прысягу аб захаванні
таямніцаў звязаных з абраннем Папы. На падлозе капэлы будзе устаноўлены спецыяльная
структура вышынёй 50-60 см. пакрытая бежывым пано, па якой будуць хадзіць кардыналы.
Пасля заканчэння канклава святыня зноў стане даступнай для наведвання турыстамі, так
як з’яўляецца часткай Ватыканскіх музеяў.