Вечарам 4 сакавіка
ў Ватыкане адбылася другая агульная кангрэгацыя Калегіі Кардыналаў. Падчас як, прапаведнік
Папскага дому а. Раньера Канталамеса прамовіў да іерархаў сваё першае разважанне,
у адпаведнасці з Апостальскай канстытуцыяй “Universi Dominici gregis”. Аб гэтым расказаў
у спецыяльным паведамленні кс. Фэдэрыка Ламбардзі, кіраўнік Залы Друку Апостальскай
Сталіцы. Акрамя таго, ён адзначыў, што прысягу аб захаванні таямніцаў звязаных з падрыхтоўкай
да канклава прынялі чатыры кардыналы, якія прылі ў Рым 4 сакавіка: мараніцкі Патрыярх
Бутрас Раі з Лівана, арцыбіскуп Кёльна кардынал Ёахім Майснер і арцыбіскуп Берліна
кардынал Райнер Вёльке, а таксама арцыбіскуп Дакара кардынал Тэадор Адрыен Сарр з
Сенегала. Члены Калегіі Кардыналаў вырашылі, што 5 і 6 сакавіка кангрэгацыі будуць
праходзіць толькі раніцай, а не раніцай і вечарам, як гэта было ў першы дзень.