Mesazhi i patrikut rusë Kirill dërguar Benediktit XVI
Patriku i Moskës dhe i të gjitha Rusive, Kirill i ka dërguar një mesazh Benediktit
XVI në të cilin i shpreh “respektin dhe ndjenjat e dashurisë vëllazërore në Krishtin”.
Duke përshkruar njoftimin e tërheqjes së Benedikti XVI nga misioni tij papnor, vendosur
nga më 11 shkurtin e kaluar, Patriku ortodoks i Rusisë flet për “përvujtërinë e thjeshtësinë”
e Jozef Ratcinger dhe nënvizon sa “afër” janë Kishat katolike e ortodokse ruse rreth
çështjeve që kanë të bëjnë me fenë. “Në momentin kur ideologjia permisive (lejuese)
dhe ajo e relativizmit moral – shkruan Patriku Kirill – bënë përpjekje për t’i nxitur
njerëzit të humbasin vlerat morale, ju keni ngritur me guxim zërin tuaj në mbrojtje
të idealeve ungjillore e të dinjitetit të lartë njerëzor”.