1 сакавіка, у першы
дзень “sede vacante”, кардынал Анджэла Садана, дэкан Калегіі Кардыналаў абвясціў аб
скліканні першай агульнай кангрэгацыі, як прадугледжана Апостальскай Канстытуцыяй
“Universi Dominici Gregis”. Яна адбудзецца 4 сакавіка ў 9.30 у Зале Сінода Біскупаў.
Другая агульная кангрэгацыя адбудзецца таксама 4 сакавіка, але вечарам, у 17.00 Падчас
першай кангрэгацыі ўсе кардыналы атрымаюць копію дакумента, якім рэгламентуецца парадак
правядзення выбараў Пантыфіка. Пурпураты будуць абмяркоўваць пытанні звязаныя з арганізацыяй
канклаву, аднак паводле кіраўніка Залы Друку Апостальскай Сталіцы кс. Фэдэрыка Ламабардзі,
не прадугледжана, што менавіта ў гэты дзень стане вядома дакладная дата яго пачатку.