Պենետիկտոս ԺԶ Սրբազան Քահանայապետի Հրաժեշտի Հանդիպումը Կարդինալներուն Հետ։

Պենետիկտոս ԺԶ Սրբազան Քահանայապետը, քահանայապետութեան իր վերջին օրը վերապահեց կարդինալներուն։ Հինգշաբթի 28 փետրուարի առաւօտեան ժամը 11.00 ին Գլեմէնդինա սրահին մէջ Արբզան Հայրը 144 կարդինալներու շնորհեց ողջերթի ունկնդրութիւն։

Հանդիպման սկիզբը` յանուն կարդինալներուն, խօսք առաւ Կարդինալական Դասի Գահերէձ` Կարդինալ Անճէլօ Սոտանոն, որ երախտագիտական խօսք ուղղեց Սրբազան Հօր, Անոր տուած ''վկայութեան` նուիրական ծառայութեան առաքելութեան, ի սպաս Քրիստոսի Եկեղեցւոյ եւ համայն մարդկութեան 8 տարիներու քահանայապետութեան ընթացքին''։
Ան ապա ակնարկելով Էամմուսի աշակերտներուն ըսաւ ''խոր սիրով մենք ջանացինք ընկերանալ ձեր ուղեւորութեան ու Էմմաուսի աշակերներուն նման մենք եւս կ՛ըսենք ''մեր սիրտերը չէի՞ն ճմլուէր երբ ճամբան կը խօսէր մեզի եւ Սուրբ Գիրքը կը բացատրեր (Ղուկ. 24,32)''։ Այո Հայր Սուրբ, մեր սրտերն ալ կը ճմլուէին երբ ձեզի կ՛ընկերանայինք այս ութը տարիներու ընթացքին'' ու այսօր ձեզի կը յայտնենք մեր երախտագիտութիւնը ու ձեզի միաձայն կ՛ըսենք ''Աստուծ ձեզ վարձատրէ'' ։

Յայտնենք որ յետ Միջօրէի ժամը 17.00 ին Պենետիկտոս ԺԶ Սրբազան Քահանայապետը ուղղաթիռով կը փոխադրուի Գասդէլկանտոլֆոյի ամարանոց ուր զինք կը դիմաւորեն` Կարդինալ Պերդելլոն, Գերապայծառ Շաքքան, գերապայծառ Սէմէրարոն, եւ Գասդել կանտոլֆոյի քաղաքապետն ու ժողովրդապետը։
Ժամը 17,30-ին Պենետիկտոս ԺԶ Սրբազան Հայրը, Քահանայապետական ամարանոցի Պալատի կեդրոնական պատշքամէն, վերջին անգամուայ համար կ՛ողջունէ հոն համախմբուած հաւատացեալները։

Ժամը 20ին վերջ կը գտնէ Պենետիկտոս ԺԶ-ի Քահանապետութիւնը ու Սուրբ Պետրոսի Աթոռը ''թափուր կը մնայ''։
Ան եղաւ Սուրբ Պետրոսի 264րդ յաջորդ` եւ Տիեզերական եկեղեցւոյ 265 -րդ Պապ։ 19 ապրիլ 2005-էն կառավարեց Եկեղեցին 7 տարի, 10 ամիս եւ 9 օր։