Հայր ֆետերիքօ Լոմպարտիի Մամլոյ Աուսլիսը

Երեքշաբթի ժամը 12,30-ին Վատիկանի Մամլոյ գրասենեակի ՅՊԲ-ի անուան սրահին մէջ, Մամլոյ գրասենեակի տնօրէն` Հայր ֆետերիքօ Լոմպարտին, լրագրողներու հետ ունեցած զրոյցի ընթացքին յայտնած է թէ` Պենետիկտոս ԺԶ-ը Քահանայապետութեան այս վերջին օրերը կ՛անցնէ աղօթքի եւ խորհրդածութեան մէջ։
Ան ապա մատնանշած է Սրբազան Քահանայապետի վաղուայ (27/2) վերջին հրապարակային ունկնդրութեան որուն համար մինչեւ օրս բաժնուած են 50 հազար տոմսեր եւ որուն կը մասնակցին Սլովաքիոյ եւ Պավարիայի նախագահները, ինչպէս նաեւ Անտորրայի Իշխանը եւ Սան Մարինոյէն պատուիրակութիւն մը։
Հայր Լոմպարտին ապա յայտնած է թէ Սրբազան Քահանայապետին անունը կը մնայ ''Նորին Սրբութիւն Պենետիկտոս ԺԶ'' կամ ''Վաստակաւոր Քահանայապետ''։Ան ապա յայտնած է թէ Պենետիկտոս ԺԶ Սրբազան Հայրը պիտի շարունակէ ''քահանայապետական սպիտակ կապան'' հագուիլ։
Կարդինալներու Գահերէցը, մարտ 1-ին` կարդինալներուն պիտի ուղղէ Պապընտիր Ժողովի հրաւէրը եւ Հայր Լոմպարտիի գնահատումով 4 մարտէն սկսեալ հաւանական է որ սկիզբ առնեն կարդինալական Պապընտիր Ժողովի նախորդող կարդինալներու խորհրդակցական հանդիպումները։