26 лютага пачаўся
візіт у Маскву мараніцкага Патрыярха Антыёхіі кардынала Бутраса Раі, які прабудзе
ў сталіцы Расіі да 1 сакавіка, пасял чаго, адправіцца ў Рым для удзелу ў канклаве.
Інфармацыю аб падарожжы іерарха пацвердзіў агенцтву “Риа-новости” арцыбіскуп Іван
Юркавіч, Апостальскі нунцый ў Расійскай Фэдэрацыі. Ён нагадаў таксама, што візіт праходзіць
па запрашэнні Рускай Праваслаўнай Царквы, у рамках двухбаковых сустрэч паміж Мараніцкай
каталіцкай Царквой і Маскоўскім Патрыярхатам.
Падчас візіта кардынала Раі
ў Маскву прадугледжаны шэраг сустрэч з рэлігійнымі, а таксама палітычнымі лідэрамі
краіны. Сярод іх са старшынём Дзяржаўнай Думы Сяргеем Нарышкіным і старшынём Аддзела
знешніх царкоўных сувязяў Маскоўскага Патрырхата мітрапалітам Іларыёнам. У цэнтры
дыскусій будзе сітуацыя хрысціян на Блізкім Усходзе з асаблівай увагай на трагічную
сітуацыі ў Сірыі.
У рамках візіту мараніцкі Патрыярх будзе цэлебраваць св.
Імшу ў катэдральным касцёле Беззаганнага зачацця Найсвяцейшай Панны Марыі і сустрэнецца
з арцыбіскупам Паола Пеццы. Акрамя таго, кардынал Бутрас Раі сустрэнецца з мараніцкай
супольнасцю ў маскоўскай царкве св. Марона. Тут, падчас аднаго з набажэнстваў, ён
перадасць ў дар супольнасці рэліквіі святога апекуна гэтай Царквы.
Мараніцкая
каталіцкая Царквы – гэта адна з шасці Усходніх каталіцкіх Цэркваў, якія маюць статус
патрыярхата. Большасць яе супольнасцяў знаходзіцца ў Ліване і Сірыі.