Папа хоча вырашыць усе пытанні перад сваім сыходам
Кс. Ламбардзі расказаў
пра важныя актуальныя падзеі ў Апостальскай Сталіцы падчас сустрэчы з журналістамі,
якая прайшла 25 лютага. Па-першае іерарх адзначыў, што Камісія кардыналаў, якая была
створана для раследвання ўцечкі дакументаў Святога Пасаду, пасля сённяшняй сустрэчы
з Бэнэдыктам XVI, спыняе сваю дзейнасць. Кіраўнік Залы Друку падкрэсліў, што ў час
падрыхтоўкі да канклаву, кардыналы будуць мець магчымасць для таго, каб абмяркаваць
розныя праблемы ў тым ліку звязаныя з гэтай сітуацыяй. У такіх умовах, члены Камісіі
змогуць даць іншым кардыналам карысныя рэкамендацыі для яе ацэнкі.
Іншай тэмай,
якую закрануў кс. Ламбардзі была адстаўка кардынала Кейта О’Браена з пасады кіраўніка
Эдынбургскай дыяцэзіі. “Гэта рашэнне не мае нічога супольнага з тым, што іерарх з’яўляецца
кардыналам-выбаршчыкам”, - адзначыў кс. Ламбардзі і дадаў, што Святы Айцец хоча ўпарадкаваць
усе пытанні, над якімі разважаў, яшчэ перад пачаткам перыяду “sede vacante”, каб не
пакідаць іх свайму наступніку.
На прэс-канферэнцыі прысутнічаў таксама арцыбіскуп
П’ер Луіджы Чэлата, віцэ-камерленга Рымскага Касцёла. Ён патлумачыў змест “motu proprio”
Бэнэдыкта XVI аб зменах у парадак правядзення канклаву. Між іншым іерарх адзначыў,
што паводле рашэння Бэнэдыкта XVI прысягу аб нераскрыцці таямніцаў звязаных з абраннем
Папы, павінны будуць даваць таксама і два тэхнікі, які, ўласна, будуць сачыць за тым,
каб таямніца канклава не была раскрыта. Акрамя таго, паводле новага дакументу Святога
Айца, працэсія з капліцы св. Паўла да Сікстынскай капэлы будзе больш урачыстай.