Չանաքքալէի Հայկական Եկեղեցւոյ Մէջ Սուֆիական Ծէսեր Կը Կատարուին
Չանաքքալէի հայկական եկեղեցւոյ մէջ թուրքերը վերջերս սուֆիական խորհրդապաշտական ծէսեր
կը կատարեն: Թրքական «Տողան» լրատու գործակալութիւնը կը հաղորդէ, որ 17-րդ դարուն
կառուցուած Ս. Գէորգ եկեղեցին հայ համայնքին հեռացումէն ետք վերածուած է մշակութային
կեդրոնի, իսկ այժմ այնտեղ սուֆիական ծէսեր կը կատարուին: Հերթական ծէսը դիտելու համար
հրաւիրուած են բազմաթիւ հիւրեր, ներառեալ` նահանգապետ Կիւնկէօր Ազիմ Թունան: Ան յայտարարած
է, որ Չանաքքալէի մէջ այսպիսի կեդրոններու թիւը պէտք է աւելնայ: «Մենք այսպիսի մշակութային
հարստութիւններ շատ ունինք, եւ այսպիսի կառոյցներու ու այսպիսի մարդոց շնորհիւ վերստին
ճանչնալու, մենք մեզ զարգացնելու կարելիութիւն կը ստանանք», ըսած է ան: Արարողութիւնը
աւարտած է Քուրանի ընթերցումով: