Дзяржсакратарыят Святога Пасаду заклікае не ціснуць на кардыналаў
Дзяржсакратарыят Святога
Пасаду зрабіў заяву ў сувязі з выбарамі новага Пантыфіка. У ёй нагадваецца аб свабодзе
Калегіі кардыналаў, якая з’яўляецца гарантыяй выбару, заснаванага на дабры Касцёла.
Дзяржаўны сакратарыят нагадвае, што на працягу стагоддзяў кардыналы сутыкаліся з рознымі
формамі ціску на асобных выбаршчыкаў і на Калегію ўцэлым, што мела на мэце прымусіць
пурпуратаў карыстацца палітычнымі прынцыпамі або логікай гэтага свету.
Калі
ў мінулым у гэтай ролі выступалі нейкія звышсілы, у тым ліку дзяржавы, зараз існуюць
спробы ўвесці ў гульню вагу грамадскай думкі, часта на аснове ацэнак, якія не адлюстроўваюць
тыповы духоўны аспект часу, які перажывае Касцёл. Дзяржсакратарыят шкадуе, што ў час
набліжэння канклаву памнажаецца колькасць інфармацыі неправеранай або той, якая не
паддаецца праверцы, ці нават ілжывай, якая прыносіць сур’ёзную шкоду людзям і ўстановам.
У
такія моманты католікі асаблівым чынам пакліканы засяродзіцца на тым, што важна: маліцца
за папу Бэнэдыкта XVI, маліцца, каб Святы Дух асвяціў Калегію кардыналаў, маліцца
за будучага Папу, верачы, што лёс лодкі св. Пятра знаходзіцца ў руках Бога, гаворыцца
ў паведамленні Дзяржсакратарыяту Святога Пасаду.