Հետաքրքրական Տեղեկութիւններ Պենետիկտոս ԺԶ Քահանայապետի Մասին - Հրաժարականէն Ետք։
Վատիկանի մամլոյ գրասենեակի տնօրէն` Հայր ֆետերիքօ Լոմպարտին` Սրբազան Քահանայապետի հրաժարականի
որոշումէն ետք ներկայացուցած զանազան մամլոյ ասուլիսներու ընթացքին, հետաքրքրական տեղեկութիւններ
տուած է` Պենետիկտոս ԺԶ քահանայապետի մասին, 28 փետրուարէն ի զօրու դարձող անոր հրաժարականի
առնչութեամբ։ Հայր Լոմպարտին յայտնած է թէ Սրբազան Հօր պաշտօնական անունը պիտի մնայ Պենետիկտոս ԺԶրդ, մինչ տիտղոսը կ՛ըլլայ ''Հռոմի վաստակաւոր եպիսկոպոս''։
Հայր Լոմպարտին յայտնած նաեւ թէ 28 փետրուարի երեկոյեան Նորին Սրբութիւնը կը փոխադրուի Գասթել Կանտոլֆոյի Քահանայապետական ամարանոց ուր կը մնայ մինչեւ ապրիլի վերջ ու ապա կը վերադառնայ Վատիկան, բնակութիւնը հաստատելով վատիկանի ''Մաթեր Էկլէզիայ'' վանատան մէջ։
Սրբազան Քահանայապետին կ՛ընկերանայ անոր յատուկ քարտուղարը` գերապայծառ Կէորկ Կէնզուէյն եւ ''Մէմորէս'' կոչուած մայրապետները, որոնք պիտի հոգան Պենետիկտոս ԺԶ առօրեայ կեանքի պահանջները։
Վատիկանի մամլոյ գրասենեակի տնօրէնի գնահատումով հաւանական է որ Սրբազան Հայրը ''Քոնքլավի'' մասին իքնագիր նամակ մը հրատարակէ, յառաջիկայ ''Քոնքլավի'' հետ կապուած օրէնսդրական մի քանի հարցեր յստակացնելու համարՄինչ Պենետիկտոս ԺԶ-ի Հաւատքի մասին շրջաբերական թուղթը կարելի պիտի չ՛ըլլայ հրատարակել։
Այն հարցումին հայող` Պենետիկտոս ԺԶ հրապարակային կեանքին 28 փետրուարէն ետք, հայր Լոմպարտին հաստատած է թէ առ այժմ այս մէկը չէ նախատեսուած այնպէս ինչպէս տակաւին չէ հաստատուած թէ ինչ գոյնով կապայ պիտի զգենու Ան։
| All the contents on this site are copyrighted ©. |