Святы Пасад і Паўднёвы Судан усталявалі дыпламатычныя адносіны
22 лютага Апостальская
Сталіца і Рэпубліка Паўднёвы Судан, жадаючы развіваць адносіны ўзаемнага сяброўства,
усталявалі дыпламатычныя адносіны на ўзроўні Апостальскай Нунцыятуры з боку Святога
Пасаду і пасольства з боку Паўднёвага Судана. Такім чынам Апостальская Сталіца з сённяшняга
дня падтрымлівае поўныя дыпламатычныя адносіны са 180 краінамі. Паўднёвы Судан, дзяржава
ў цэнтральна-усходняй Афрыцы, атрымаў незалежнасць 9 ліпеня 2011 г. Сталіцай краіны
з’яўляецца Джуба. На яго тэрыторыі на працягу 40 гадоў ішла грамадзянская вайна, якая
закончылася мірнымі пагадненнямі ў 2005 г. Насельніцтва складае больш за 8 млн. чалавек,
з якіх 60% вызнаюць хрысціянства, а 40% практыкуе трыдыцыйныя рэлігіі. Эканоміка Паўднёвага
Судана з’яўляецца адной з самых слабых у свеце, нягледзячы на прысутнасць вялікіх
сельскагаспадарчых і мінеральных рэсурсаў.