Касцёлы Рымскай дыяцэзіі
развітаюцца з Бэнэдыктам XVI гучаннем званоў, і такім жа чынам яго прывітае Кастэль-Гандольфа.
У Рыме яны загучаць у момант адлёту Святога Айца на верталёце з Ватыкана, а ў летняй
рэзідэнцыі, падчас прызямленне Папы. Аб гэтым паведаміў у інтэрв’ю Ватыканскаму радыё
Біскуп Альбана Марчэла Сэмерана. Менавіта на тэрыторыі яго дыяцэзіі знаходзіцца летняя
рэзідэнцыя Рымскіх Пантыфікаў, у якую 28 лютага, на некалькі месяцаў, пераедзе Бэнэдыкт
XVI.Біскуп Сэмерана адзначыў, што вернікі дыяцэзіі Альбана будуць духоўна падтрымліваць
Святога Айца. Многія з жыхароў навакольных мястэчак здзейсняць пешую пілігрымку ў
Кастэль Гандольфа. На вечар 28 лютага ў Кастэль Гандольфа запланавана малітоўнае чуванне,
удзельнікі якога будуць разважаць над навучаннем Бэнэдыкта XVI. Іерарх падзяліўся
таксама, што Папа, па прыбыцці ў рэзідэнцыю, выйдзе, каб прывітаць вернікаў. “Гэта
для нас вялікі прывілей”, - сказаў ён.
Біскуп Сэмерана адзначыў, што жыхары
Кастэль-Гандольфа з вялікай павагай і любоўю адносяцца да Бэнэдыкта XVI. Ён нагадаў,
што на цэнтральнай плошчы гэтага мястэчка была размешчана памятная дошка са словамі
Пантыфіка, прамоўленымі ў ліпені 2011 г.: “Я тут знаходжу ўсё. Бачу горы, бачу мора,
бачу возера і добрых людзей. Я вас благаслаўляю ў імя Пана”.