Арцыбіскуп Мюлер: вера і розум – полюсы адной рэальнасці
“Для таго, каб думаць
праз прызму веры, свет мае патрэбу у розуме, які б не заставаўся нямым перад абліччам
боскага”, - лічыць арцыбіскуп Герхард Людвіг Мюлер, прэфект Кангрэгацыі Веравучэння.
Ён нагадаў аб неабходнасці пастаяннага ўзаемадзеяння паміж розумам і верай. Паводле
яго, вера – гэта чын асабістых адносін з Богам, які адрозніваецца ад бачання рэчаў,
што грунтуецца на навуковых дадзеных. Але, не гледзячы на гэта, вера не стаіць у супярэчнасці
з навуковымі метадамі. “Вера і розум не выключаюць адно аднаго. Гэта два полюсы адной
і той жа рэальнасці, якія ўзаемадапаўняюцца і робяць чалавека здольным вывучаць і
пазнаваць асяроддзе, як стварэнне. Дзякуючы гэтаму чалавек, як стварэнне, становіцца
здольным пазнаваць сябе і сваё жыццё”, - адзначыў арцыбіскуп Мюлер. Яго словы прыводзіць
сённяшняя “L’Osservatore Romano”.
Іерарх спаслаўся на Бэнэдыкта XVI, які лічыць,
што “заданнем пастыраў Касцёла з’яўляецца захаванне ў верніках імнення да пошуку праўды”.
Трэба “пастаянна па-новаму заклікаць розум станавіцца на пошук сапраўднага, прыгожага,
на пошук Бога, і на гэтым шляху (...) разумець Езуса Хрыста, як Святло, якое асвятляе
гісторыю і дапамагае знайсці шлях да будучыні”, - лічыць арцыбіскуп Мюлер.