Կարտինալ Թոռան Կ'արտայայտուի Յառաջիկայ Քահանայապետին Դիմագրաւելիք Մարտահրաւէրներու
Մասին։
Կարտինալ Ժան Լուի Թոռան` Միջկրօնական երկխօսութեան քահանայապետական խորհուրդի նախագահը`
2011-ին նշանակուեցաւ որպէս նախասարկաւագ։ Իր այս պաշտօնով անոր կ՛իյնայ համայն աշխարհին
հաղորդել նոր Քահանայապետին անունը արտասանելով նշանաւոր արտայայտութիւնը`"Habemus papam"։
Միջկրօնական երկխօսութեան քահանայապետական խորհուրդի նախագահը մամուլին հետ ունեցած
ելոյթով մը յայտնեց որ նոր Քահանայապետը պէտք է ըլլայ երկխօսութեան մարդ, կարող վարդապետելու
հաւատքի մասին եւ Եկեղեցւոյ կառավարութեան եղանակը վերատեսելու։