Кардынал Махоні павінен вырашыць сам, ці ўдзельнічаць у канклаве
Біскуп Чарльз Шыклуна,
былы прамотар справядлівасці ў Кангрэгацыі Веравучэння, пракаментаваў справу арцыбіскупа
Лос-Анжэлеса, кардынала Роджэра Махоні, які не здолеў у сваёй архідыяцэзіі правільна
вырашыць сітуацыю са святарамі, замяшанымі ў педафіліі. У амерыканскай прэсе ў сувязі
з гэтым паўстала кампанія крытыкі у бок пурпурата, а радыкальныя колы заклікаюць да
недапушчэння яго ўдзелу ў будучым канклаве.
Як сцвярджае біскуп Шыклуна, “кардынал
вельмі сціплы, ён не змог правільна ацаніць сітуацыі з выпадкамі педафіліі ў сваёй
дыяцзіі. Дапаможны біскуп дыяцэзіі Мальта адзначыў, што кардынал зрабіў цэлы шэраг
вялікіх памылак, у тым ліку, такую, як публікацыя імёнаў усіх святароў, якіх яшчэ
толькі падазравалі ў сексуальных злоўжываннях, прычым, уключыў нават уласнае імя.
Аднак, былы прамотар справядлівасці лічыць, што за гэта нельга лінчаваць кардынала,
які ўжо адхілены ад кіраўніцтва архідыяцэзіяй. Удзельнічаць ці не ўдзельнічаць у канклаве
– ён павінен вырашыць сам-насам са сваім сумленнем, перакананы біскуп Шыклуна.