ֆրանսայի Կաթողիկէ Հայոց Նորանշանակ Առաջնորդին ։ Շաբաթ 16 Փետրուարին,
Զմմառու Վանքին մէջ, կէսօրուայ ճաշին հրաւիրուած էր Լիբանանբնակ Հայ Կաթողիկէ կղերականութիւնը,
միասնաբար հրաժեշտ տալու Արհի. Յովհաննէս Եպս. Թէյրուզեանին, որ անուանուեցաւ Առաջնորդ
Ֆրանսայի Հայ Կաթողիկէ եկեղեցւոյ: Ան 44 տարիներ մեծ նուիրումով ծառայեց Լիբանանի Հայ
Կաթողիկէ Եկեղեցւոյ: Եղբայրական ագապի ընթացքին՝ սրտաբուխ կենացները և քաղցրահունչ
երգերը ուրախութեամբ պարուրեցին ներկաները: Ճաշկերոյթի աւարտին խօսք առաւ Զմմառու Պատրիարքական
Միաբանութեան Ընդհանուր Փոխանորդ Հ. Գաբրիէլ Թ.Ծ.Վրդ. Մուրատաեան: Ան վեր առաւ Թէյրուզեան
Գերապայծառին Միաբանութեան հանդէպ սէրն ու գուրգուրանքը, զորս դրսեւորած է երկար տարիներու
աշխատանքով: Հուսկ բարի երթ ու առաքելութիւն մաղթեց անոր և որպէս անմոռանալի յիշատակ՝
իրեն նուիրեց Տիրամայր Զմմառու գեղեցիկ պատկերը: Իր հերթին՝ խօսք առաւ Գերապայծառ
Թէյրուզեան և յուզումնալից շեշտով հրաժեշտ տուաւ բոլորին, ըսելով թէ իր անհուն սէրը երբեք
պիտի չմարի իր սիրած վանքին հանդէպ և թէ ինք պիտի բացակայի միայն ֆիզիքապէս, սակայն հոգիով
միշտ ներկայ պիտի մնայ անոնց մէջ: