Ռուսիոյ Մէջ Ինկած Երկնաքարային Անձրեւին Պատճառով Արձանագրուած Վիրաւորներուն Թիւը Բարձրացաւ
1240-ի
Ուրբաթ օր ռուսական եւ ղազախական հինգ շրջաններու մէջ ինկած երկնաքարային անձրեւին պատճառով
արձանագրուած վիրաւորներուն թիւը բարձրացաւ 1240-ի: Կը հաղորդուի, որ դէպքին գլխաւոր
վայրին` ռուսական Չելիապինսք նահանգին մէջ շողարձակումի մակարդակը տակաւին բնական է,
եւ տնտեսական եւ ուժանիւթի կառոյցները բնական կերպով կը գործեն: Ամերիկեան ՆԱՍԱ գործակալութեան
փորձագէտները այն եզրակացութիւնը գոյացուցին, որ այդ երկնաքարը աւելի մեծ էր, քան նախապէս
ակնկալուածը եւ թէ անոր տրամագիծը 17 մեթր էր եւ ոչ թէ 15 մեթր, իսկ կշիռքը` 10 հազար
թոն: Աւելի՛ն, անոր պայթումին ուժը 30-էն 500 մեկաթոնի բարձրացուած է, այլ խօսքով` անիկա
Հիրոշիմայի պայթումէն աւելի ուժգին էր: