Христијанската љубов не може да се сведе на чисто хуманитарни вложувања
Христијанската љубов не може да се сведе на чисто хуманитари вложувања, бидејќи таа
е објавување на Божјата љубов кон човештвото, нагласи папата Бенедикт XVI обраќајќи
се на 15 февруари на членовите на Фондацијата Pro Petri Sede кои вчера ги прими на
ауденција.
Ова не е прв пат Папата да го истакнува тоа сфаќање, навистина тоа
е столб на неговото социјално учење: Ако милосрдието се прави од христијанска љубов,
тогаш тоа не е само материјална помош на оние кои се во потреба, туку е и израз на
љубовта Божја. Тоа нé учи верата, самата верата, Годината на верата е прогласена за
да се оживее верата, препорача Светиот Отец на припадиците на историското католичко
каритативно братство, кое е основано во Белгија. Зборувајќи на француски јазик Папата
повтори дека постот и Година на вера повикуваат на преобраќање.
Верата е навистина
жива која треба непрестано да се открива и продлабочува за да може да расте. Верата
го води христијанинот во неговото делување. Таа е ново мерило на сфаќање и делување
кое го менува човечкиот живот, нагласи Бенедикт XVI додавајќи:
„Ако верата
го осветлува животот и неговиот видик, тоа значи дека и начинот на сведочење на христијанската
љубов мора да биде плод на тоа внатрешно светло. Верата без милосрдие не донесува
плод, а љубовта без вера би била чуство на сомневање во самите себе. Взаемно се бараат
верата и љубовта, за да и едната и другата овозможат да се оствари „неопходната“ средба
со Исус, кој ги преобразува срцето и очите, а христијанската љубов ја дава вистинската
смисла, објасни Папата.
Христијанското милосрдие не може да се сведе на едноставен
хуманизам или на вложување на човечка промоција. Материјалната помош е потребна, но
не ја изразува полнината на љубовта, која учествува во Христовата љубов, понудена
и поделена. Вистинската љубов е конкретно манифестирање на Божјата љубов кон луѓето,
навестување на евангелието, заклучи Бенедикт XVI.