Ватыканскі іерарх аб укладзе Папы ў дыялог з сучаснай культурай
Кардынал Равазі расказаў
якім быў пантыфікат Бэнэдыкта XVI для культуры – сферы дзейнасці дыкастэрыі, якую
ён узначальвае. На думку іерарха, гэта развіццё дыялога з няверуючымі, мастацтвам
і навукай. У інтэрв’ю Ватыканскаму радыё кардынал Равазі адзначыў, што менавіта па
волі Папы ўзнікла ініцыятыва “Падворак язычнікаў”, у рамках якой у розных еўрапейскіх
гарадах праходзяць сустрэчы паміж веруючымі і няверуючымі людзьмі і абмяркоўваюцца
супольныя каштоўнасці і патрэба ў духоўнасці. Другім аспектам кардынал назваў вялікую
любоў Бэнэдыкта XVI да мастацтва. Ён адзначыў, што за амаль 8 гадоў адбылося вельмі
шмат культурных падзей, якія паказваюць, што “Касцёл хоча вярнуцца да велічы дыялога
з прыгожым, а не толькі праўдзівым”. Нарэшце трэцім аспектам пантыфіката Бэнэдыкта
XVI кардынал Равазі назваў спрыянне дыялогу паміж верай і розума – тэмы асабліва блізкай
Святому Айцу.