16 лютага Бэнэдыкт
XVI прыняў на аўдыенцыі Прэзідэнта Гватэмалы Отта Фернанда Перэcа Маліна. Пасля сустрэчы
са Святым Айцом палітыка прыняў кардынал Дзяржсакратар Тарчызіо Бэртонэ, якога суправаджаў
сакратар па адносінах Святога Пасаду з дзяржавамі арцыбіскуп Дамінік Мамбэрці. Удзельнікі
сустрэчы выразілі ўзаемную “задаволенасць сардэчнымі адносінамі, якія існуюць паміж
Апостальскай Сталіцай і гватэмальскай дзяржавай”. “Высокая ацэнка была дадзена ўкладу
Касцёла ў развіццё краіны, асабліва ў сферы адукацыі, спрыянні чалавечым і духоўным
каштоўнасцям, сацыяльнай і дабрачыннай дзейнасці, між іншым падчас землятрусу, ад
якога пацярпела насельніцтва”, – гаворыцца ў паведамленні Залы Друку Апостальскай
Сталіцы.
Бакі пагадзіліся адносна неабходнасці “працягваць супрацоўніцтва дзеля
вырашэння сацыяльнай драмы”, звязанай з беднасцю, гандлем наркотыкамі, дзейнасцю арганізаванай
злачыннасці і эміргацыяй. Акрамя таго, падчас сустрэч падкрэслівалася важнасць абароны
чалавечага жыцця ад моманту зачацця.