Ватыканскі кардынал аб ролі Бэнэдыкта ХVІ у барацьбе за жыццё
Біяпалітыка павінна
грунтавацца на біяэтыкі. Менавіта за гэта змагаецца на працягу ўсяго свайго служэння
ў Касцёле Бэнэдыкт ХVІ. Так, нават дакумент Кангрэгацыі Веравучэння, на тэму годнасці
ненароджанай асобы і пракрэацыі “Donum vitae” з 1987 г. атрымаў неафіцыйную назву
“інструкцыі Ратцынгера”, - распавёў сённяшняй “Avvenire” былы старшыня Папскай акадэміі
жыцця кардынал Эліа Сгрэчча. Іерарх нагадаў, што менавіта гэты дакумент упершыню ўзняў
праблематыку эмбрыёна як чалавечай асобы і эксперыментаў над ім, штучнага апладнення
і кланавання. У ім была падкрэслена антрапалагічная годнасць эмбрыёна і яго недатыкальнасць.
Кардынал Сгрэчча сцвярджае, што цяперашні Папа заўсёды быў бліжэйшым паплечнікам Яна
Паўла ІІ у барацьбе за жыццё.
Іерарх звярнуў увагу на актуальнасць энцыклікі
Бэнэдыкта XVI “Caritas in veritate”, дзе гаворыццца ў тым ліку пра неабходнасць барацьбы
з тэндэнцыяй уплыву сусветных інстытутаў улады на памяншэнне нараджальнасці, хоць
усім вядома, што “эканамічнае і сацыяльнае развіццё залежыць перш за ўсё ад чалавечага
капіталу”. “І мы сапраўды бачым, што сённяшні крызіс не столькі эканамічны, колькі
маральны”, - падкрэсліў былы старшыня Папскай акадэміі жыцця, кажучы аб намаганнях
Бэнэдыкта ХVІ па прызнанні міжнароднымі інстытутамі таго, што асновай біяпалітыкі
павінна быць біяэтыка.