՜՜Հայաստան՝՝ Համահայկական Հիմնադրամի Լիբանանի Գործադիր Մարմնի Հանդիպումը Արամ Ա. Կաթողիկոսին
Հետ։
Յանձնելու Սուրիահայութեան Օժանդակութեան 100.000 Տոլարը«Հայաստան» համահայկական հիմնադրամի Լիբանանի գործադիր մարմինը 14 փետրուարի առաւօտեան, այցելեց Մեծի Տանն Կիլիկիոյ Արամ Ա. կաթողիկոսին` յանձնելու սուրիահայութեան ի նպաստ հանգանակուած գումարին չեքը:
Արդարեւ 7 դեկտեմբերին տեղի ունեցած Ռատիոթոնի ընթացքին հանգանակուած է 100.000 ամերիկեան տոլար, որը որոշուած էր յատկացնել սուրիահայութեան, ուստի այդ գումարին չէքը փոխանցուեցաւ Մեծի Տանն Կիլիկիոյ կաթողիկոսութեան սուրիահայութեան օժանդակութեան յատուկ դրամատնային հաշիւին:
Վեհափառ հայրապետը մեծ գոհունակութեամբ ընդունեց «Հայաստան» համահայկական հիմնադրամի Լիբանանի գործադիր մարմինին նախաձեռնած դրամահաւաքին ճամբով սուրիահայ իրենց քոյրերուն եւ եղբայրներուն համար լիբանանահայ համայնքի զաւակներուն նուիրաբերած այս գումարը` յոյս յայտնելով, որ լիբանանահայութեան այս քայլը, օրինակ կը ծառայէ բոլորին` նուիրական նոյն ոգիով օժանդակութեան ձեռք երկարելու տագնապահար սուրիահայութեան:
Այս առիթով «Հայաստան» համահայկական հիմնադրամի Լիբանանի գործադիր մարմինը անգամ մը եւս իր երախտագիտութիւնը կը յայտնէ բոլոր նուիրատուներուն:
| All the contents on this site are copyrighted ©. |