Кс. Ламбардзі аб апошніх мерапрыемствах Бэнэдыкта XVI і яго імені пасля адстаўкі
Кс. Фэдэрыка Ламбардзі
паведаміў, што 27 лютага адбудзецца апошняя агульная аўдыенцыя з удзелам папы Бэнэдыкта
XVI, яна стане своеасаблівым развітаннем Пантыфіка з вернікамі перад яго сыходам з
Пасаду св. Пятра. 28 лютага, у апошні дзень пантыфікату, у 11.00, адыходзячы Пантыфік
сустрэнецца ў Ватыкане з Калегіяй кардыналаў. Спатканне стане для яго завяршальным
у якасці Наступніка св. Пятра. Кіраўнік Залы Друку паведаміў, што Папа яшчэ не вырашыў,
якое імя будзе выкарыстоўваць пасля сваёй адстаўкі. “Ён разважае над гэтым і на гэту
тэму будзе кансультавацца з наступным Папам”, - дадаў кс. Ламбардзі.