Papa do të presë presidentin Napolitano. Dje, takimi tradicional për Paktet Lateranense
Takim tradicional, dje pasdite, në Ambasadën e Italisë pranë Selisë së Shenjtë, në
Romë. Kremtohej përvjetori i 84-t i nënshkrimit të Pakteve Lateranense. Në pritje,
ndërmjet tjerësh, ishin të pranishëm kryeministri Mario Monti dhe sekretari i Shtetit
të Vatikanit, kardinali Tarçizio Bertone.
Papa do ta presë në audiencë, në
Vatikan, presidentin italian, Giorgio Napolitano. Nuk dihet akoma në ç’datë. Njoftimin
e dha sekretari i Shtetit të Vatikanit, kardinali Tarçizio Bertone, gjatë bisedës
për Paktet Lateranense në ambasadën e Italisë pranë Selisë së Shenjtë. Kreu i
shtetit italian njoftoi se pret komunikimin zyrtar, duke vënë, më pas, theksin, mbi
situatën në të cilën po jeton vendi. Ja edhe fjalët e Napolitanos: “Është
periudhë ndryshimesh, një nga të cilat, krejt i paparashikuar e me rëndësi të madhe,
ky që pason njoftimin e Papës; të tjerat janë ndryshime në përkim me normalitetin
e jetës demokratike: çdo pesë vjet votohet për parlamentin, çdo shtatë vjet, për presidentin
e Republikës. Duhet kuptuar edhe normaliteti i kësaj dialektike demokratike”.