Мітрапаліт Іларыён: традыцыяналізм і кансерватызм Бэнэдыкта XVI шануюць мільёны хрысціян
Высокі прадстаўнік
Рускай Праваслаўнай Царквы пракаментаваў сыход на спачын папы Бэнэдыкта XVI. Мітрапаліт
Іларыён адзначыў, што “пасада Рымскага Пантыфіка, як і пасада усякага прадстаяцеля
Царквы, прадугледжвае актыўную працу. Гэта не цырыманіяльны пост. Калі ўзрост і здароўе
аказваюцца перашкодай для эфектыўнай працы, прадстаяцель Царквы можа прыняць рашэнне
аб сыходзе на спачын”. Кіраўнік Аддзела знешніх царкоўных сувязяў выказаў меркаванне,
што, магчыма, выклікі, з якімі у апошнія гады сутыкнуўся Каталіцкі Касцёл, “што патрабуюць
новых імпульсаў, выходзячых ад Рымскага Пасаду”, “заахвоцілі Папу саступіць месца
больш маладому і дынамічнаму іерарху”. “Рашэнне папы Бэнэдыкта XVI пакінуць свой пост
у сітуацыі, якая склалася, можна расцаніць як акт асабістай мужнасці і пакоры”, -
лічыць Мітрапаліт Іларыён.
Высокі праваслаўны іерарх падзякаваў Бэнэдыкту XVI
“за разуменне праблем, якія перашкаджаюць поўнай нармалізацыі адносін паміж праваслаўнымі
і каталікамі, асабліва ў такіх рэгіёнах, як Заходняя Украіна”. “Ён буйны багаслоў,
добра ведае традыцыю Праваслаўнай Царквы, пры гэтым ён валодае той адчувальнасцю,
якая дазваляе яму будаваць адносіны з Праваслаўнымі Цэрквамі на належным узроўні”,
- адзначыў Мітрапаліт. “У сродках масавай інфармацыі пастаянна лаюць за традыцыяналізм
і кансерватызм, але менавіта гэтыя якасці шануюць у ім мільёны хрысціян – як католікаў,
так і не-католікаў: тых, хто імкнецца да захавання традыцыйных хрысціянскіх духоўна-маральных
каштоўнасцяў”, - дадаў ён.
Кіраўнік Аддзела знешніх царкоўных сувязяў выказаў
спадзяванне, што пераемнік Бэнэдыкта XVI “працягне ісці тым жа шляхам”, а “адносіны
паміж праваслаўнымі і католікамі будуць і далей паступальна развівацца для агульнага
дабра ўсяго хрысціянскага свету”.