“Njoftimi i Papës që le shërbimin e udhëheqjes së Kishës në Selinë e Pjetrit përfaqëson
një perspektivë që është pjekur gjatë në ndërgjegjen dhe përgjegjësinë e tij”. Kështu
tha zëdhënësi i Selisë së Shenjtë, atë Federiko Lombardi, mysafir në studio të programit
tv Rai1 “Porta a porta”. Papa, kujtoi atë Lombardi, pati folur rreth mundësisë së
dorëheqjes në vitin 2010 në intervistën dhënë gazetarit Peter Seewald, duke saktësuar
se muajve të fundit kanë filluar t’i mpaken “forcat jo vetëm fizike, në kuptimin më
të gjerë të personalitetit të tij””. Papa Benedikti XVI “është njeri i moshuar, e
ndjen dobësimin natyror që në moshën 86 vjeçare mund të ndjehen para një detyre kaq
të rëndë”.