Патрыярх Маскоўскі
і ўсяе Русі Кірыл выказаў павагу мужнасці папы Бэнэдыкта XVI у адстойванні хрысціянскай
традыцыі. “Без гэтай традыцыі Касцёл перастае існаваць, ён проста разбураецца і ператвараецца
ў кангламераты рознага роду хрысціянскіх арганізацый”, - сказаў Патрыярх 10 лютага
ў Маскве на сустрэчы з паслом Расіі пры Святым Пасадзе Аляксандрам Аўдзеевым. Паводле
слоў Прадстаяцеля, сёння заходняе хрысціянства “апынулася ў цяжкім становішчы”, паведамляе
сайт Маскоўскага Патрыярхату.
У гэтых умовах выклікае павагу пазіцыя Пантыфіка
па найважнейшых пытаннях сучаснасці, “яго мужнае стаянне на той аснове, якая звязана
з апостальскай традыцыяй”, - падкрэсліў кіараўнік Рускай Праваслаўнай Царквы. Ён адзначыў,
што Бэнэдыкт XVI у сваім стаўленні да сучаснага грамадства “звязвае сябе з апостальскай
традыцыяй і на яе аснове каментуе тое, што адбываецца сёння ў свеце”.
“Гэтак
жа паступае і Праваслаўная Царква. І ў гэтым сэнсе ў нас агульны падыход, а значыць,
і агульныя ацэнка праблем сучаснага свету”, - канстатаваў Патрыярх. Ён лічыць, што
сёння Маскоўскі Патрыярхат і Каталіцкі Касцёл павінны падумаць аб тым, “як мы можам
далей працаваць разам для таго, каб словы хрысціянскага паслання былі пераканаўчыя
і для Усходу, і для Захаду”.
У заключэнне гутаркі Патрыярх выказаў надзею,
што Аляксандр Аўдзееў на пасадзе пасла здолее ўнесці свой адмысловы ўклад у развіццё
адносін паміж дзвюма краінамі і Цэрквамі.