Պենետիկտոս ԺԶ Սրբազան Քահանայապետը Կ՛այցելէ Հռոմի Աւագ Նորընծայարանը։

Ուրբաթ 8 փետրուարի յետ միջօրէի ժամը 18,15-ին Պենետիկտոս ԺԶ Սրբազան Հայրը կ՛այցելէ Հռոմի Աւագ Նորընծայարանը, հաստատութեան պաշտպան սրբուհի` ''Վստահութեան Տիրամօր'' տօնին առթիւ։
Նորին Սրբութիւնը այցելութեան ընթացքին կը կատարէ Սուրբ Գիրգի Մեկնաբանութիւն։ Հռոմի Աւագ Նորընծայարան ժամանելուն Նորինր սրբութիւնը կը դիմաւորէ Հռոմի Թեմի տեղապահ արքեպսկոպոս Կարդինալ Ակոսդինօ Վալլինին եւ Նորընծայարանի Րէկտոր Հայր Գոնչէթթօ Օգգիբինդին։
Իսկ առաւօտեան ժամը 11-ին Պենետիկտոս ԺԶ Սրբազան Հայրը ընդունեց Կարդինալ Ոիիլլիէմ Եաքոպուս Էյիք, Հոլանտայի Ուդրէխդի Արքեպիսկոպոսը։
Սրբազան հայրը ապա ժամը 11,20-ին ունկնդրութիւն շնորհեց Իտալիոյ Լացիոյ մարզի շարք մը Եպիսկոպոսներուն որոնք Վատիկան կը ժամանեն Սուրբ Պետրոսի յաջորդին կանոնական հնգամեայ այցելութիւններու առթիւ։
Յայտնենք որ Լացիոյի եկեղեցական մարզը ունի 17,207 քմ քառակուսի տարածք եւ 5,809 399 բնակչութիւն, որոնցմէ 600 հազարը օրինաւոր գաղթականներ են։
Լացիոյի եկեղեցական մարզի եպիսկոպոսական համահաւաք դասի նախագահն է կարդինալ Ակոսդինօ Վալլինին որ է Հռոմի Թեմի տեղապահ արքեպիսկոպոս տրուած ըլլալով որ Հռոմի եպիսկոպոսը ինքնին Սրբազան Քահանայապետն է։ Լացիոյ մարզի մէջ կը գործեն 18 թեմեր, 1434 ժողովրդապետութիւններով ուր կը գործեն 7017 կուսակրօն քահանաներ եւ 309 սարկաւագներ։
Լացիոյ Մարզի հովուական առաջնահերթութիւն կը կազմեն երիտասարդները, ընտանիքները աղքատները եւ գաղթականները։
Յայտնենք նաեւ որ ժամը 12-ին Պենետիկտոս ԺԶ Սրբազան Քահանայապետը ընդունեց Կարդինալներու Դասի աւագերեց` Կարդինալ Անճէլօ Սոտանոն։