Պոմպէի Առաջնորդութիւնը Քարոզարշաւ Կը Կատարէ Կնոջ Արժանաւորութեան Ու Իրաւունքի Ճանաչման
Ի Խնդիր։
Պոմպէի առաջնորդ կարդինալ Օսվալտ Կրացիաս քարոզչութիւն մը նախաձեռնած է ''37 միլիոն տիազ`
լոյսեր'' անուան տակ Հնդկաստանի կնոջ արժանաւորութեան ու անոր իրաւունքի պաշտպանութեան
համար։''37 միլիոն տիազ` լոյսեր'' կը խորհրդանշեն վերջին տասը տարիներու անյետացած կիներու թիւը` ''արդիւնքը վիժումի, մանկասպաննութեան, բռնաբարումի ու խնամատարութեան պակասի'', կը հաղորդագրէ ''Ասիայի Եկեղեցի'' մամլոյ գործակալութիւնը։
Կաթողիկէ եկեղեցւոյ քարոզչութիւնը կիներու ի խնդիր, անմիջական հետեւանքն է այն աննախընթաց ալիքին որ ներկայիս կը յուզէ Հնդկաստանը ի լուր ուսանողուհիի մը սպաննութեան զայն բռնաբարող խումբ մը երիտասարդներու կողմէ։
Թէեւ Հնդկաստանը միջազգային բազմաթիւ համաձայնագրեր ստորագրած է հայող մարդու իրաւունքներուն, մանուկներու ու կնոջ խտրականութեան ի խնդիր, սակայն այդ համաձայնագրութիւնները յաճախ ներհակ են հազարամեայ աւանդութեան մը, որ աղջկան մը ծնունդը կը նկատէ որպէս անէծք։
| All the contents on this site are copyrighted ©. |