Кардынал Ражэ Эчэгарай,
звярнуўся да Прэзідэнта Пакістана Асіфа Алі Зардары з просьбай аб памілавання Асіі
Бібі, маладой хрысціянкі, прыгаворанай да смяротнага пакарання паводле супярэчлівага
закона аб блюзнерстве. Жанчына, маці пяці дзеці, знаходзіцца за кратамі ў чаканні
прысуду з 2009 г. Яе выпадак выклікаў вялікі рэзананс у свеце і неаднаразова абмяркоўваўся
на высокім міжнародным узроўні. Кардынал Эчагарай, віцэ-дэкан Калегіі Кардыналаў і
былы старшыня Папскай рады “Iustitia et pax” заклікаў пакістанскага лідэра паглядзець
на Асію Бібі “як на сястру, адну з дачок Абрагама, нашага супольна айца па веры”.
“Ваш жэст можа мець вялікае значэнне і стаць моцным стымулам для дыялога і прымірэння
паміж мусульманамі і хрысціянамі”, - адзначыў іерарх.
У сваім лісце да Асіфа
Алі Зардары кардынал Эчэгарай падкрэсліў, што на працягу доўгага часу, працаваў на
карысць братэрскага суіснавання паміж хрысціянамі і мусульмане. Ён нагадаў, што па
ініцыятыве бл. Яна Паўла ІІ прымаў удзел у арганізацыі гістарычнай малітоўнай сустрэчы
за мір, якая прайшла 27 кастрычніка 1986 г. у італьянскім горадзе Асізі. Паводле іерарха
“іслам, які налічвае больш за 1 млрд. паслядоўнікаў, разам з хрысціянствам з’яўляецца
найвялікшай рэлігійнай спадчынай” чалавецтва. Таму “гэтыя дзве рэлігіі не могуць больш
ўзаемна ігнараваць сябе, ці яшчэ горш, змагацца паміж сабой”, - напісаў кардынал.