“Таксама “Дзеці вуліцы”,
адкінутыя грамадствам, чакаюць на прыбыццё і сустрэчу з Бэнэдыктам ХVI падчас Сусветных
дзён моладзі, якія пройдуць у Рыа-дэ Жанейра, летам гэтага года”. Аб гэтым расказаў
у інтэрв’ю Ватыканскаму радыё кс. Рэната Кера, заснавальнік “Дома Менор” у Рыа, у
якім атрымліваюць гасціннасць пакінутыя грамадствам маладыя людзі. “Іх чаканні вялікія
і мы будзем вельмі рады, калі Святы Айцец, які любіць маладых людзей і мае адкрытае
сэрца да ўсіх, сустрэнецца з імі”, - сказаў святар. Ён таксама адзначыў, што мясцовы
Рух Факалараў хоча падрыхтаваць спецыяльны спектакл з нагоды візіту Пантыфіка ў іх
горад, у якім прымуць удзел адкінутыя грамадствам маладыя людзі.
“Зараз яны
шукаюць удзельнікаў да спектакла сярод дзяцей вуліцы, з “Дома Менора”, а таксама сярод
заключаных у турмах”, - паведаміў кс. Рэнатар Кера і дадаў, што маладыя людзі з яго
дома вельмі шчаслівыя, што змогуць удзельнічаць у гэтым спектаклу. “Я ўпэўнены, што
спектакл спадабаецца Папе і калі людзі ўбачаць як Святы Айцец абнімае маладых людзей,
гэта зробіць вялікае ўражанне на ўсіх”, - сказаў кс. Кера, кіраўнік “Дома Менора”
ў Рыа.