Кардынал Сандры: новаабраны халдэйскі Патрыярх – сведка мучаніцтва вернікаў
“Архіепіскап Луіс
Сако, новы Патрыярх Халдэйскай Каталіцкай Царквы добра падрыхтаваны для выканання
свайго служэння”, - лічыць кардынал Леанарда Сандры, прэфект Кангрэгацыі па справах
Усходніх Касцёлаў, які з 28 студзеня па 1 лютага старшынстваў на Архірэйскім Сінодзе,
што праходзіў у Рыме. Падчас гэтага мерапрыемства адбылося абранне архіепіскапа Сако
на вышэйшую пасаду ў Халдэйскай Царкве. Паводле кардынала Сандры, зроблены выбар –
гэта прычына вялікай радасці, а таксама надзеі для Халдэйскай Царквы ў Іраку, а таксама
для тых вернікаў, якія жывуць за межамі гэтай краіны. Кардынал падкрэсліў, што архіепіскап
Сако бачыў блізка “кроў мучанікаў і ўсіх тых, хто пакутаваў ад насілля – не толькі
хрысціян, але і мусульман”. “Таму гэта асоба нясе з сабой вялікае багацце, якая моцна
паслужыць Касцёлу”, - сказаў кардынал Сандры.
Гаворачы аб працах Архірэйскага
Сінода іерарх расказаў, што яго ўдзельнікі абмеркавалі праблемы ў сваіх дыяцэіях і
увогуле ў Іраку. Звярталася ўвага на неабходнасць спрыяць большай актыўнасці свецкіх
вернікаў у розных галінах жыцця Царквы.