Бэнэдыкт XVI глыбока
засмучаны навіной аб трагічным здарэнні ў венесуэльсай турме “Урыбана”, у выніку якога
загінулі больш за 50 чалавек і каля 90 атрымалі ранненні. 31 студзеня Святы Айцец
скіраваў спачувальную тэлеграму на імя мясцовага арцыбіскупа Антоніа Хасэ Лопэса Касціла,
за подпісам кардынала Дзяржсакратара Тарчызіо Бэртонэ. У ёй Папа адзначыў, што моліцца
аб вечным супакоі для загінуўшых і выражае глыбокае спачуванне і духоўную блізасць
іх сем’ям. Бэнэдыкт XVI таксама пажадаў хутчэйшага выздараўлення параненым. Акрамя
таго Пантыфік заклікаў адказных асоб і арганізацыі, працягваць працаваць у духу супрацоўніцтва
і добрай волі, каб пераадоліць існуючыя праблемы і не дапусціць паўтарэння падзей,
падобных на тыя, што здарыліся некалькі дзён таму ў венесуэльскай турме.
Трагедыя
адбылася 25 студзеня, у выніку паўстання заключонных. Паводле паведамленняў СМІ, унутры
турмы знаходзіліся банды ўзброеных асуджаных, якіх спрабавала зарброіць Нацыянальная
гвардыя. У выніку пачаліся сутыкненні і стальба, якая прывяла да шматлікіх ахвяр.
29
студзеня Камісія па душпастрыству турмаў Канферэнцыі Біскупаў Венесуэлы апублікавала
зварот, у якім асудзіла неэфектыўную пенітэнцыярную палітыку ўрада, перанаселенасць
турмаў, адсутнасць добрага харчавання, бескантрольнае насілле і іншыя хібы. Паводле
каталіцкіх лідэраў краіны, перад абліччам такіх адносін да асуджаных Касцёл не можа
маўчаць.