Bisedime për marrëveshjen Seli e Shenjtë - Palestinë: urohet përfundim i shpejtë.
Në përfundim të bisedimeve dypalëshe, zhvilluar vitet e kaluara me Organizatën për
Çlirimin e Palestinës(Olp), në Ramallah, pranë Ministrisë së Punëve të Jashtme të
Shtetit të Palestinës, dje u mbajt një takim zyrtar. Bisedimet u drejtuan nga Riad
Al-Maliki, ministër i Punëve të Jashtme të Shtetit të Palestinës dhe imzot Ettore
Balestriero, zëvendës-sekretar i Vatikanit për marrëdhëniet me Shtetet. Palët, njofton
një komunikatë e përbashkët, shkëmbyen mendime për bocën e marrëveshjes, në shqyrtim
e sipër, posaçërisht mbi Hyrjen dhe Kapitullin I të dokumentit. Bisedimet u zhvilluan
në një atmosferë të ngrohtë e miqësore, shprehje e marrëdhënieve të mira ndërmjet
Selisë Apostolike dhe Shtetit të Palestinës. Delegacionet, shpjegon nota, uruan që
bisedimet të shpejtohen e të arrijnë në një përfundim të kënaqshëm për të dyja palët.
E për ta realizuar me sukses këtë vijim, u vendos të mblidhet një grup teknik i përbashkët.
Së fundi u shpreh mirënjohja për kontributin prej 100 mijë eurosh nga ana e Selisë
së Shenjtë për ndreqjen e çatisë të Bazilikës së Lindjes së Krishtit, në Betlehem.