«Թուրքիոյ Մէջ 24 Ապրիլին Հայ Զինուորը Սպաննելը Պատահական Չէր» Կ՛ըսէ Քիւրտ Երեսփոխան
Նուրսել Այտողան։
Տիգրանակերտի օդուժի երկրորդ զինուորական դատարանին մէջ տեղի ունեցած է զինուորական ծառայութեան
ժամանակ 24 ապրիլ 2011-ին, մէկ այլ զինուորի կողմէ սպաննուած Սեւակ Շահին Պալըքճըի դատական
հարցով հերթական դատական նիստը: Թրքական «Տիարպեքիրսէօզ» կայքէջը կը հաղորդէ, որ պոլսահայ
Սեւակ Շահին Պալըքճըի սպանութեան գործով հերթական նիստի ընթացքին դատարանը դարձեալ այս
հարցով կասկածեալ Քըվանչ Աղաօղլուի դէմ կալանման որոշում չէ տուած: Անդրադառնալով
այս ամօթալի դատավարութեան` քրտական Խաղաղութիւն եւ ժողովրդավարութիւն կուսակցութեան
երեսփոխան Տիկին Նուրսել Այտողան նշած է, որ Սեւակի մահը պատահականութիւն չէր: «Հայերու
կոտորածի օր հանդիսացող 24 ապրիլին այսպիսի բան տեղի ունենալը ցոյց կու տայ, որ անիկա
պատահականութիւն չէր: Անիկա յատուկ մշակուած սպանութիւն էր» ( ըսած է քիւրտ երեսփոխանը)
: Նշենք, որ Սեւակի զինուորական պարտադիր ծառայութեան աւարտին մնացած էր 23 օր, երբ
24 ապրիլ 2011-ի առաւօտեան ան սպաննուած էր մէկ այլ զինուորի` Քըվանչ Աղաօղլուի կողմէ: