Պենետիկտոս ԺԶ Սրբազան Քահանայապետի Գործունէութիւնը։

Երկուշաբթի 28 յունուար 2013-ի ժամը 11-ին Պենետիկտոս ԺԶ Սրբազան Քահանայապետը իր գրասենաեկի մէջ ընդունեց կարդինալ Անթոնիօ Քանիզարէս Լովէրան` Աստուածային պաշտամունքի եւ խորհուրդներու մատակարարման Քահանայապետական Խորհուրդի նախագահը։ Ապա ժամը 11,30 Նորին Սրբութիւնը ունկնդրութիւն շնորհեց Իտալիոյ Գամբանիա Մարզի եպիսկոպոսներուն որոնք Հռոմ ժամանած են իրենց հնգամեայ կանոնական այցելութիւնը կատարելու Սուրբ Պետրոսի Յաջորդին։
Յայտնենք որ Գամբանիայի Եկեղեցական Մարզը կացմուած է 25 թեմերէ։ Մարզին եպիսկոպոսական համահաւաք դասի նախագահն է Կարդինալ Գրէշէնցիօ Սեփէ` Նաբոլիի Արքեպիսկոպոս։ Մարզը ըունի 13,927 քմ քառակուսի տարածութիւն եւ ըստ 2011 տուեալներուն 6.074.882 բնակիչ։ Հոն կը գործեն 1827 ժողովրդապետութիւններ ուր իրենց ծառայութիւնը կը մատուցեն 3570 քահանաներ ու 593 մնայուն սարկաւագներ։
Նշենք որ Պենետիկտոս ԺԶ Սրբազան Քահանայապետը Գամբանիա մարզը այցելած է երկու անգամ, առաջինը 2007-ին` Նաբոլի իսկ երկրորդը 18 հոկտեմբեր 2008-ին Բոմբէի Սրբավայրը։