Святы Айцец прывітаў удзельнікаў “Маршу за жыццё” ў ЗША
25 студзеня Бэнэдыкт
XVI прывітаў удзельнікаў “Маршу за жыццё” – традыцыйнага шэсця, якое з 1974 г. арганізуюць
рухі “pro-life” у ЗША. У сваім мікраблогу ў “Твітэры” Папа напісаў: “Я яднаюся з тымі,
хто прыме удзел у маршы за жыццё і малюся, каб палітычныя лідэры баранілі ненароджаных
дзяцей і спрыялі культуры жыцця”. Маніфестацыя пройдзе сёння ў Вашынгтоне і будзе
прымеркавана да 40-годдзя сумнага рашэння Вышэйшага суда, якім ў ЗША былі легалізаваны
аборты. Паводле даследчыкаў, з таго часу ў гэтай краіне было забіта каля 55 млн. ненароджаных
дзяцей. Між іншым, сённяшняе паведамленне Папы ў “Твітэры” з’яўляецца першым з прымеркаваных
да пэўнай падзеі.