Պոլսոյ Մէջ Սարգիս Պալեանի Կառուցած Պալատը՝ Հրոյ Ճարակ։

Երեքշաբթիէն -Չորեքշաբթի, Յունուար 22-23 լուսցող գիշերուան ընթացքին, հրդեհ մը ծագած է Պոլսոյ պատմական կառոյցներէն մէկուն մէջ, որ ներկայիս(1992էն) կ՛օգտագործուէր որպէս հեղինակաւոր Կալաթասարայի Համալսարանին կողմէ: Փայտաշէն կառոյցը պոլսահայ յայտնի ճարտարապետ Սարգիս Պալեանի (1831-1899) կառուցած պալատն է, որուն երրորդ յարկը ամբողջութեամբ հրկիզուած է, իսկ միւս յարկերը ծանր վնասներ կրած են:
Հրդեհի բոցերը կուլ տուած են նաեւ վեց հազար գիրքեր որոնց միջեւ կային հազուագիւտ հրատարակութիւններ։ Հրդեհը ծագած է շէնքի երրորդ յարկի վրայ ելեկտրականութեան խանգարումի հետեանք ։
Սարգիս Պալեան ՝՝Իպրահիմ Թէֆիք Էֆէնտի ծովեզերեայ Պալատ՝՝ անուամբ կառուցած էր 1871ին Փայտաշէն այդ կառոյցը որ իր ձեղուններուն վրայ կը կրէր հրաշագեղ գունաւոր զարդարանքներ եւ բիւրեղեայ թանկագին ջահեր։