Don Luigj Prendushi, martir i Krishtit, vra nga komunizmi
Duke shfletuar kalendarin historik, sot më 24 janar, përkujtojmë martirin e fesë së
Krishtit, don Luigj Prendushin, vra nga komunizmi. Siç dihet, muaji nëntor i vitit
2002 shënoi një ndër ngjarjet më të madhe për Kishën katolike të Shqipërisë e atë
shqiptare në përgjithësi. Atë muaj në Shqipëri u zhvilluavizita e Prefektit
të Kongregatës së Vatikanit për Ungjillëzimin e Popujve, kardinalit Crescenzio Sepe,
nga 6 deri më 11 nëntor 2002. Gjatë kësaj vizite baritore, në katedralen e shën
Shtjefnit në Shkodrë, me kremtimin solemnt të Meshës Shenjtë, u hap, në nivelin e
Kishës vendore, procesi i beatifikimit e i kanonizimit për 40 martirë të kishës katolike
shqiptare, kryesisht viktima të komunizmit, shqiptarë e misionarë të huaj që janë
ikonë e gjallë e Kishës Universale. Njëri nga të dyzetë martirët, që flijuan jetën
për Krishtin është edhe dom Luigj Prendushi, të cilin po e kujtojmë sot në përvjetorin
e vdekjes.
Dom Luigji lindi në Shkodër më 3 janar 1896. Si kreu shkollën
fillore në vendlindje, nga viti 1908 deri më 1921 studioi në Piemont (Itali), në Kolegjën
Skarnafizi e Sarvano. Po në këtë krahinë, në veri të Italisë, u shugurua meshtar,
për t'u kthyer menjëherë në Atdhe e për të filluar shërbimin meshtarak. Nisi të predikojë
Krishtin në malet e ashpra të Mazrekut, për të zbritur në Nënshat e më pas për t'iu
ngjitur rishtas maleve, në zonën tejet të vështirë të Shllakut. Ravgoi më pas nga
Dardha e Pukës, në Koman, Dush e së fundi, deri më 1946, në Kaçë-Naraç e Shelqet. U
arrestua më 5 dhjetor 1946, në valën e martirizimit të Kishës katolike, me akuzën
spijun i Vatikanit. U dënua me vdekje dhe u pushkatua në një vend të shkretë më
24 janar 1947. Eshtrat e tij u gjetën vetëm pas 45 vjetësh, u sollën në qytetin
e lindjes e u rivarrosen në Rrëmaj, pranë eshtrave të familjarëve të vdekur, në maj
të vitit 1992.