Папская рада па культуры: размаўляць з моладдзю на яе хвалі
“Моладзь і культура”
– стане тэмай чарговага пасяджэння Папскай рады па культуры. Яно пройдзе 6 лютага.
Напярэдадні асамблеі адбудзецца сустрэча яе ўдзельнікаў з Бэнэдыктам ХVІ. Гэта надасць
накірунак працам, перакананы кардынал Джанфранка Равазі, старшыня ватыканскай дыкастэрыі.
Адметнасцю пасяджэння стане прысутнасць на ім, апроч біскупаў, святароў, свецкіх спецыялістаў
у розных галінах навук, студэнтаў. “Мы прапануем не толькі размову аб моладзевай культуры,
але хочам, каб маладыя людзі асабіста далі жывое сведчанне аб саміх сабе”,- падзяліўся
кардынал Равазі і дадаў, што ў размове прымуць удзел не толькі маладыя католікі, але
і няверуючыя.
Старшыня Папскай рады па культуры паінфармаваў, што размова
будзе сканцэнтравана вакол некалькіх асноўных накірункаў, тут і спосаб самавыражэння
сучаснай моладзі, і мараль маладых людзей, якая становіцца ўсё больш суб’ектыўнай,
паколькі яны прадастаўлены самім сабе, і запыты адносна культуры і соцыума, перш за
ўсё, патрэба ў працы. Часта, калі маладыя людзе не знаходзяць адказаў на свае пытанні,
затыкаюць вушы і заплюшчваюць вочы на свет, быццам ён не існуе, - адзначыў кардынал
Равазі. Ён дадаў, што для таго, каб моладзь прыняла рэчаіснасць свету, неабходна размаўляць
з ёй на яе хвалі. Менавіта гэтым і зоймуцца, паводле слоў іерарха, удзельнікі асамблеі
Папскай рады па культуры.