OKB-ja miraton ndërhyrjen franceze në Mali

Gjithnjë i lartë, tensioni ndërmjet trupave franceze e lokale të Malit dhe grupeve xhihadiste, që po mundohen të marrin në dorë fatet e vendit afrikan. Forcat e Parisit po bombardojnë Timbuktunë, qytetin, që do të bëhej seli e liderit libian Gedafi, por tani është shtabi i përgjithshëm i rebelëve islamistë.
Kriza në Mali ishte dje në qendër të punimeve të Këshillit të Sigurimit të OKB-së. Sekretari i Përgjithshëm i Kombeve të Bashkuara, Ban Ki-mun nuk ka asnjë dyshim: nuk mund të ketë kthim mbrapa në luftën kundër terroristëve të Azauadit. Sipas të dhënave në dispozicion të Këshillit të Sigurimit, islamistët mund të sulmojnë kryeqytetin malian Bamako.