Asizi. Mbahet Kapitulli i përgjithshëm i Fretërve konventualë, për zgjedhjen e pasardhësit
të Shën Françeskut.
Nëntëdhjetë e nëntë fretër të vegjël konventualë, ardhur nga të pesë kontinentet,
përfaqësues të 65 kombeve, u mblodhën këto ditë në Asizi, ku do vijojnë, deri më 17
shkurt, punimet e Kapitullit të tyre të përgjithshëm. Është kapitulli i dyqindtë,
gjatë të cilit, e pikërisht më 29 janar, do të zgjidhet edhe pasardhësi i Shën Françeskut.
Aktualisht familja rregulltare françeskane konventuale kryesohet nga atë Marko Taska.
Është një çast kulmor për këtë familje françeskane, të përhapur në të katër anët e
botës, përfaqësuesit e së cilës, mbledhur në Asizi, po analizojnë rezultatet e punës
gjashtëvjeçare, duke planifikuar edhe veprimtaritë e së ardhmes, nën drejtimin e një
eprori, që do ta zgjedhë vetë Kapitulli.