2013-01-22 14:10:05

Առնօ Բաբաջանեան Այսօր 22 Յունուար Պիտի Տօնէր իր Ծննդեան 92րդ տարին։


Երաժշտահան, դաշնակահար Առնօ Բաբաջանեանը արդարեւ ծնած էր Երեւան 22 Յունուար 1921-ին: Արամ Խաչատրեան անոր տաղանդը նկատած էր, երբ ան տակաւին 5 տարեկան էր եւ որոշած, որ տղան պէտք է երաժշտութեամբ զբաղի: Այնուհետեւ, 1929-ին ընդունուած է Երեւանի պետական երաժշտանոցին կից երաժշտական դպրոցը, որ աւարտելէ ետք յաճախած է երաժշտանոց: Այնուհետեւ, 1948-ին ուսումը շարունակած է Մոսկուայի երաժշտանոցի դաշնամուրի բաժնին մէջ` միաժամանակ կատարելագործուելով Մոսկուայի մէջ գործող Հայաստանի մշակոյթի տան կից գտնուող արուեստանոցին մէջ:
1950-1956 թթ. դասաւանդած է Երեւանի երաժշտանոցին մէջ: 1956-էն ետք հաստատուած է Մոսկուա, ուր եւ մահացած է 11 Նոյեմբեր 1983-ին:








All the contents on this site are copyrighted ©.