Հարիւր Հազարաւորներներ Ոգեկոչեցին Հրանդ Տինքի Յիշատակը ՝՝ՀՈՍ ԵՆՔ ԱՂԲԱՐԻԿ՝՝ Կարգախօսով։

Շաբաթ 19 Յունուարին լրացաւ 2007 թուականին Պոլսոյ «Ակօս» շաբաթաթերթի հիմնադիր եւ խմբագրապետ Հրանդ Տինքի սպանութեան 6-րդ տարելիցը: Հարիւր հազարաւոր մարդիկ Պոլսոյ Շիշլի-ի հրապարակէն քայլարշաւ կատարեցին եւ գացին «Ակօս» թերթի խմբագրատան շէնքը, որուն մօտ թուրք ազգայնականի մը փամփուշտով սպաննուեցաւ Հրանդ Տինք (Թաքսիմի Հրապարակը շինութեան բերումով փակ է) : Հրանդի ոգեկոչման ծրագիրը այս տարի սկսած էր 13 Յունուարին եւ շարունակուցեաւ մինչեւ 20 Յունուար։ Այս տարուայ ոգեկոչման ձեռնարկները կատարուեցան ՝՝ Հոս Ենք Աղբարիկ՝՝ կարգախօսով։ 19 Յունուարի ժամը 15.00ին (տեղական ժամով) հանրահաւաքը կայացաւ Խմբագրատան առջեւ ուր խօսք առաւ Հրանդի կողակիցը Ռաքէլ Տինք ,որու խօսքերը ինչպէս ամէն տարի եղան շատ տպաւորիչ ։ Ինչպէս ծանօթ է այս տարի Տինքի սպաննութեան 6-րդ տարելիցին մասնակցելու համար Իսթանպուլ ժամանեց ամերիկացի հանրածանոթ մտաւորական,լեզուագէտ եւ պատմագէտ Նոամ Շոմսքի որը 18 Յունուարին Պոլսոյ հեղինակաւոր Պողազիչի Համալսարանին մէջ տուաւ բանախօսութիւն մը ՝՝Մարդկային իրաւունքներ եւ Խօսքի Ազատութիւն ՝՝ թէմայով։
19 Յունուարին Պոլսոյ մէջ բազմահազար ցուցարարները` հայեր, թուրքեր եւ քիւրտեր, կը բացագանչէին «Բոլորս հայ ենք»:
Բազմութեան բարձրացուցած պաստառներուն վրայ կային հայերէն, թրքերէն եւ քրտերէն գրութիւններ: «Դատդ չի վերջանար, մինչեւ մենք չըսենք վերջացած է», գրուած էր պաստառներուն վրայ:
Միւս կողմէ Հրանդ Տինք հիմնադրամը լոյս ընծայեց 2013ի իր օրատետրը ,որուն թէման է ՝՝ Սահմաններ ՝՝ ը ։ Օրատետրը լոսյ տեսած է երեք լեզուներով՝ թրքերէն,հայերէն եւ անգլերէն։ Օրատետրը չորրորդն է իր տեսակին մէջ։ 2010-ի թէման էր ՝՝ՀԱՅԱՍՏԱՆԸ՝՝ 2011ինը՝ ՝՝ԲԱԶՄՈՒԹԻՒՆՆԵՐԸ՝՝ , իսկ 2012ինը ՝՝ԴԱՏԵՐԸ՝՝ ։