21 cтудзеня, у літургічны
ўспамін св. Агнешкі, у капэле Урбана VIII у Апостальскім палацы, Бэнэдыкту ХVI прадставілі
двух ягнят, з воўны якіх будуць зроблены паліі для абвешчаных у перыяд ад ліпеня 2012
г. арцыбіскупаў Мітрапалітаў. Іерархі атрымаюць іх 29 чэрвеня 2013 г., ва ўрачыстасць
святых Пятра і Паўла. Палій (лац. pallium) – гэта элемент літургічнага адзення ў выглядзе
вузкай стужкі з белай авечай воўны з вышытымі чорнаю воўнаю крыжамі; на канцах – з
абшытымі чорным шоўкам кавалачкамі свінца. Насіць палій мае права Святы Айцец, а таксама
адзначаныя асаблівым гонарам іерархі Касцёла. Палій Святога Айца сімвалізуе паўнату
яго ўлады, палій арцыбіскупаў Мітрапалітаў – паслухмянасць Папе і іх асаблівую блізкасць
да Святога Пасаду.
Самі ягняты з’яўляюцца сімвалам чысціні. Ягня – гэта таксама
сімвал св. Агнешкі, рымскай дзяўчыны, якая, прагнучы цалкам прысвяціць сябе Хрысту,
прыняла мучаніцкую смерць за веру. Штогод ў дзень успаміну св. Анешкі, якую заўсёды
паказваюць на выявах з ягняткам на руках, Святому Айцу прыносяць двух благаслаўлёных
папярэдне ягнят.